Cursos

Os cursos impártense en dúas modalidades: presenciais nas aulas da Rede ou en teleformación dende a túa casa.

Para matricularte nos cursos presenciais e para acceder á teleformación unicamente é necesario que sexas usuario/a da Rede CeMIT. Se aínda non o es, date de alta.

• Formación presencial nas aulas da Rede CeMIT: cada aula conta coa súa propia programación formativa en alfabetización dixital, capacitación dixital e innovación social dixital.

Consulta os cursos dispoñibles actualmente na túa aula e matricúlate

• Formación on-line: dispoñible na plataforma de formación virtual EMA, o Espazo Multimedia de Aprendizaxe da Rede CeMIT. Esta formación permitirá aos cidadáns realizar actividades formativas desde calquera punto con acceso a Internet e complementar a formación impartida nas Aulas CeMIT.

Accede á teleformación

CODIX: Qué é?

A certificación galega de competencias dixitais é un recoñecemento que permite demostrar os coñecementos adquiridos e a maior cualificación das persoas certificadas aumentando a súa empregabilidade. Está regulada segundo o disposto no Decreto 218/2011 do 17 de novembro (DOG nº 229, do 30/11/2011 e acredita as capacidades, destrezas e coñecementos en ofimática definidos no Plan Formativo Ofimático de Galicia.

Saber máis sobre o CODIX.

Conectividade exames universitarios

Os estudantes universitarios galegos poderán facer uso da conectividade das aulas CeMIT para realizar os seus exames universitarios coa comodidade de dispor dunha aula a menos de 30 minutos do seu fogar. Para facer uso deste servizo tan só é necesario estar dado de alta como usuario/a da Rede CeMIT e seguir o Protocolo para a realización de exames universitarios na Rede CeMIT.

Se estás interesado/a neste servizo, consulta as aulas adscritas e solicita a túa reserva de praza. 

Charlas e xornadas

A través das aulas da Rede tamén poderás asistir a charlas e actividades relacionadas coas novas tecnoloxías impartidas por entidades colaboradoras, aliados dixitais ou organismos recoñecidos como o Centro de Novas Tecnoloxías de Galicia (CNTG) ou o Centro Demostrador TIC de Galicia (CDTIC). Para asistir ás charlas debes matricularte nas mesmas, unha vez esteas dado de alta na Rede como usuario/a.

Consulta as actividades dispoñibles

Aula Aberta

Os centros da rede tamén son Aulas Abertas, espazos nos que poderás acceder libre e gratuitamente á utilización das aulas, dentro dun horario establecido, onde se conta co apoio e asesoramento dos responsables TIC das aulas. Para empregar os ordenadores das aulas nas horas de Aula Aberta é necesario estar dado de alta como usuario/a da Rede CeMIT.

Consulta os horarios de apertura da túa aula

CeMIT-Innova

CeMIT-Innova é un proxecto colaborativo para o fomento da Innovación Social Dixital en Galicia, posto en marcha pola Axencia para a Modernización Tecnolóxica de Galicia, Amtega da Xunta de Galicia en 2015 no marco da Estratexia de Inclusión Dixital 2020 e aliñado coa Axenda Dixital de Galicia 2020.

Esta iniciativa impulsa unha nova forma de traballar desde a Rede de Aulas CeMIT, xa que estas adquiren un gran protagonismo dentro do seu ámbito local, co obxectivo de que innovadores/as, usuarios/as e comunidades locais, colaboren utilizando as tecnoloxías para co-crear coñecemento e solucións para dar resposta aos retos e necesidades sociais.

Saber máis sobre CeMIT-Innova.