Administración Electrónica: Trámites Online

<<GL>> Curso “Administración Electrónica: Trámites Online”. * Descrición: Neste curso veranse os servizos facilitados polas distintas Administracións Públicas, tanto local, autonómica ou estatal, coñecendo os diferentes servizos dispoñibles e como acceder a eles mediante certificado dixital, DNI electrónico (DNI-e) ou Clave / Chave365. * Requisitos: – Requírense coñecementos básicos de informática e ser maior de 16 anos (menores autorización por escrito). – Terán preferencia na inscrición ao curso @s residentes no Concello de Poio. – As inscricións comunicaranse o derradeiro día do prazo de solicitude. – Poderase descargar un Diploma de Asistencia, para o que se require unha asistencia mínima do 80%. Este diploma non certifica nin homologa os coñecementos adquiridos no curso. En caso de non poder asistir débese comunicar para deixar a praza dispoñible. Na modalidade presencial é obrigatorio acudir respectando as medidas de seguridade sanitarias. Para a Conexión Online requírese dispor dun dispositivo con conexión á Internet, non é preciso ter cámara web. Recoméndase dispor de micrófono, aínda que as consultas atenderanse principalmente por texto (chat), para manter a fluidez da clase.