De acordo co establecido na Resolución do 5 de outubro de 2020 (DOG nº 207 do 14 de outubro) pola que se convocan probas de avaliación de carácter libre para a obtención da certificación galega de competencias dixitais en ofimática, publícase a listaxe de centros da rede CeMIT e horarios de realización de ditas probas para facilitar a cumprimentación da súa PREINSCRICIÓN.

 

Tal e como se recolle na base Cuarta.4, soamente poderá escoller unha única localidade, día e hora,  sendo excluídas aquelas persoas que seleccionen máis dunha opción.

 

Unha vez remate o prazo de preinscrición (mércores, 21 de outubro inclusive), realizarase o sorteo público de extracción das letras para obter a orde de prelación por apelidos das persoas con dereito á matriculación. O resultado publicarase nesta web e as persoas seleccionadas provisionalmente recibirán un correo electrónico coas instrucións para realizar o pagamento ou remitir a xustificación da súa exención.

 

Facer click enriba da quenda seleccionada para proceder a súa preinscrición (Prazo aberto dende o xoves 15 de outubro ata o mércores 21 de outubro, inclusive)