Charla sobre PRODUCTOS ECOLÓXICOS E DE CALIDADE                                                            

DÍA:   Luns, 7 de NOVEMBRO, de 11:00 a 12:00 horas

O Instituto Galego de Consumo pon á nosa disposición unha serie de charlas informativas que están a ter unha gran aceptación naquelas localidades nas que se están impartindo de forma presencial.

Estas charlas, que se emitirán desde a Escola Galega de Consumo a través de videoconferencia, teñen unha duración aproximada dunha hora - hora e media, e están orientadas para todos os públicos  ao tratar temas actuais que nos afectan en gran medida como consumidores habituais.

Para facilitar o acceso a esta actividade divulgativa, planificouse unha charla coa súa temática específica o primeiro luns de cada mes,  dende outubro ata maio, sendo a próxima o día 7 de NOVEMBRO, en horario de 11:00 A 12:00 HORAS

A dita charla tratará sobre o PRODUCTOS ECOLÓXICOS E DE CALIDADE

As persoas adoitamos a cotío distintas decisións de consumo, case sen darnos conta. Así, cando nos levantamos cada mañá e acendemos a luz ou abrimos a billa da auga estamos a consumir. Cando imos mercar o pan para comer, cando facemos un agasallo ou cando imos cear a un restaurante podemos escoller entre distintos produtos, respecto dos que existen importantes diferenzas, non só no tocante ao seu prezo ou calidade, senón tamén no seu proceso de produción e fabricación. Para adoitar a mellor decisión de consumo, e escoller aqueles produtos que realmente se adapten ás nosas necesidades, é preciso coñecer as características de cada produto e servizo, para poder actuar no mercado como consumidores responsables.

A charla sobre "Produtos ecolóxicos e de calidade" incluirá os seguintes contidos básicos:

• Explícanse de xeito sinxelo as principais características dos produtos ecolóxicos e o concepto de comercio de proximidade.
• Póñense en valor os produtos da nosa contorna e, en especial, os produtos ecolóxicos, con certificación de calidade ou con denominación de orixe.
• Identifícanse os selos e certificacións de calidade e o significado que hai detrás deles.

Deste xeito, en primeiro lugar explicaranse unha serie de nocións básicas para a lectura da etiquetaxe dos alimentos, que favorecerán unha escolla responsable dos produtos. A continuación, explicaranse como se poden identificar os produtos ecolóxicos e de calidade, e por qué a escolla destes produtos é unha escolla de consumo responsable.

As persoas interesadas poderán inscribirse para seguir o evento a través de videoconferencia que se emitirá nas aulas CeMIT das seguintes localidades (iráse actualizando este listado no caso de que algunha aula máis solicite a súa participación):

• Abegondo
• Beariz
• Celanova
• Fisterra
• Porriño, O
• Ortigueira
• Pontedeume
• Santa Comba
• Valga