Nenos nun aula CeMIT en videoconferencia con Papá Noel.

Papá Noel falará cos nenos desde Laponia, a través do soporte técnico da aula Cemit

Valoración 
Aínda sen votos
VOLVER
ImprimirEnviar
Pontevedra | 10 Decembro 2018
  • Beneficiaranse deste sistema os alumnos de Vilagarcía de Arousa, Catoira e Valga

As Aulas Cemit da Xunta de Galicia en Vilagarcía de Arousa, Catoira e Valga poñerán os seus soportes técnicos a disposición de Papá Noel para que poida conversar cos nenos destes municipios desde o seu fogar en Laponia por vídeoconferencia.

O intercambio de mensaxes será dunha media hora. A actividade comezará o martes 11 ás 10 da mañá no Cemit de Valga  para os alumnos do CRA de Valga (Infantil), que se repartirán en dúas sesións, xa que haberá outra ás 12 horas o mesmo día.

A conexión de Vilagarcía de Arousa con Laponia será o martes 18 e tamén haberá dúas sesións. A primeira delas será ás 12.30 horas para os nenos do colexio San Francisco. A segunda será ás 13 horas para os alumnos do Centro de Educación Especial.

Ao día seguinte, o mércores 19, a comunicación de Papá Noel por vídeoconferencia será na aula Cemit de Catoira, ás 12.30 horas, para os alumnos do colexio Progreso.

O obxectivo desta actividade, que este ano cumpre o seu undécimo aniversario e que conta con gran interese e aceptación entre a comunidade educativa, será facilitar a comunicación entre Papá Noel e os nenos, que poderán falar un por un e interactuar con el poucos días antes de Noite Boa, cando se atendan as súas peticións de agasallos. Desta forma, estas aulas multimedia convértense nun punto de encontro e dan a coñecer todas as posibilidades que ofrece a tecnoloxía.

Fonte: Faro de Vigo
Acceso usuarias/os

Boletin Electrónico

banner codix

Faite Dixital

Próximas videoconferencias
04 Febreiro 2019
Talleres de reparación de vehículos: dereitos e deberes das persoas usuarias
Séguenos!
facebook twitter Flickr delicious issuu netvibes
Faite dixital
videoteca
  • Logo Faite Dixit@l!
  • Xente dixital
  • Espazo multimedia de aprendizaxe
  • Agora máis que nunca - Cruz vermella
  • Ligazón ao Centro Demostrador TIC de Galiza
  • Voluntariado Dixital
  • Rexistro de Demandantes
  • Observatorio da Sociedade da Información e a Modernización de Galicia
  • TIC TAC adapta

Xunta de Galicia © Xunta de Galicia. Información mantida e publicada pola Xunta de Galicia
Oficina de Rexistro e Información | Suxestións e queixas | Aviso Legal | Atendémolo/a | RSS