Cartel informativo de las charlas del Aula CeMIT de Sarria.

Reapertura da Aula CeMIT de Sarria

A aula CeMIT de Sarria retoma a súa actividade presencial seguindo as recomendacións de reapertura da Axencia para a Modernización Tecnolóxica de Galicia (Amtega) e da Xunta de Galicia para seguir impulsando o uso das novas tecnoloxías e reducir a fenda dixital, dotando á cidadanía de coñecementos en competencias dixitais.

Antes de acudir á aula, coa finalidade de respectar o límite de aforo no uso das instalacións, é preciso contar con cita previa aceptada. Para iso, pode solicitar a súa cita vía correo electrónico ao enderezo cemit.sarria@xunta.gal, ou ben no teléfono 982 530 723.

Para a semana do 3 ao 7 de agosto de 2020 están previstas as seguintes actividades que se impartiran en diferentes ocasións para que podan asistir o maior número de persoas.

SARRIA.ES - Coñece o servizo de cita previa e a sede electrónica co sistema cl@ve

Esta charla ten por obxectivo que a cidadanía coñeza o novo sistema de cita previa do Concello e o seu funcionamento, así como a súa sede electrónica, amosando tamén os primeiros pasos co sistema cl@ve, tanto para a obtención do necesario para a identificación e firma nos trámites dixitais, como para o seu emprego.

Impartirase dúas veces na Aula CeMIT para que podan asistir o maior número de persoas:

  • luns 3 de agosto ás 11:00 horas reservar

  • martes 4 de agosto ás 17:00 horas reservar

Como pasar os arquivos do MÓBIL ao PC

Nesta actividade demostraremos como utilizar diferentes sistemas para poder pasar os arquivos dende o móbil ao ordenador ou portátil. Despois dunha breve introdución sobre as tecnoloxías e ferramentas que nos poden axudar, probaremos como conectar do móbil ao ordenador, coñeceremos como empregar a “nube” ou ben instalaremos aplicacións que nos farán posible a transferencia da información entre os dous dispositivos.

A mesma charla tamén se impartirá dúas veces en diferentes horarios co obxectivo de chegar ao maior número de persoas posibles:

  • mércores 5 de agosto ás 11:00 horas reservar

  • xoves 6 de agosto ás 17:00 horas reservar

Como detectar noticias falsas e enganos nas redes

Con esta charla preténdese axudar a todos os usuarios das redes a detectar os bulos e enganos que nos chegan, coñecendo os medios e redes polos que adoitan chegar, que tipos hai e como verificalos con ferramentas moi sinxelas dende o mesmo navegador.

Esta charla, que tamén se repetirá no futuro en diferente horario, está prevista para o:

  • venres 7 de agosto ás 11:00 horas reservar

Para cumprir coas medidas de prevención establecidas, os deberán solicitar cita previa a través do sitio web da rede CeMIT, na ficha da actividade, ou ben chamando ao 982 53 07 23 ou enviando un correo electrónico a cemit.sarria@xunta.gal.

Valoración 
Aínda sen votos
VOLVER
ImprimirEnviar
30 Xullo 2020
Acceso usuarias/os

Boletin Electrónico

banner codix

Faite Dixital

Próximas videoconferencias
Actualmente non existen próximas videoconferencias programadas
Séguenos!
facebook twitter Flickr delicious issuu netvibes
Faite dixital
videoteca
  • Logo Faite Dixit@l!
  • Xente dixital
  • Espazo multimedia de aprendizaxe
  • Agora máis que nunca - Cruz vermella
  • Ligazón ao Centro Demostrador TIC de Galiza
  • Voluntariado Dixital
  • Rexistro de Demandantes
  • Observatorio da Sociedade da Información e a Modernización de Galicia
  • TIC TAC adapta

Xunta de Galicia © Xunta de Galicia. Información mantida e publicada pola Xunta de Galicia
Atención á cidadanía | Accesibilidade | Aviso Legal | RSS