Unha vez aplicado o resultado do sorteo publico das letras para establecer a orde de prelación das persoas inscritas con dereito a matriculación, publícase a listaxe de persoas admitidas provisionalmente, excluídas e en listaxe de agarda para a realización das probas de avaliación de carácter libre para a obtención da certificación galega de competencias dixitais en ofimática, convocadas por  Resolución do 15 de marzo de 2021 (DOG nº 57 do 25 de marzo)

• Listaxe de persoas admitidas provisionalmente (con dereito a matriculación) e en agarda  (serán chamadas en caso de quedar prazas libres unha vez rematado o primeiro prazo de matriculación)
• Listaxe de persoas excluídas (en aplicación da base Cuarta.4, por ter presentada a súa solicitude en máis dunha localidade e/ou horario)

As persoas seleccionadas que figuran na listaxe de admitidas provisionalmente disporán dun prazo de 5 días hábiles (ata o vindeiro mércores 14 de abril) para  realizar o pagamento de 10,63 € correspondente aos dereitos de exame -ou xustificar a exención de dito pagamento-, seguindo as instrucións que se lles envian por correo electrónico.

* Importante:

Unha vez realizado o pagamento deberán achegar o xustificante do mesmo (unha foto, escaneo de imaxe, etc) ou, no seu defecto, o documento acreditativo da súa exención, ao enderezo electrónico formacion-cemit@xunta.gal para proceder a súa matriculación, que lle será comunicada a volta de correo nun prazo máximo dun día laborable.