Tutorias presencias para a obtención do CODIX na modalidade de autoformación

O CODIX é unha certificación que acredita que a persoa titular conta coas capacidades, destrezas e coñecementos en ofimática definidos no Plan formativo ofimático de Galicia. Pode obterse esta certificación mediante a superación dunha proba convocada para ese fin pola Axencia para a Modernización Tecnolóxica de Galicia ou ben a través da acreditación de posuír outros títulos equivalentes. Este programa pode seguirse na modalidade de autoformación a través do Espazo Multimedia de Aprendizaxe (EMA) da Rede CeMIT co único requisito de ser usuario rexistrado maior de 16 anos. Coa finalidade de facilitar a realización de dito curso o CeMIT de Padrón ofrecerá tutorías presencias sobre as 5 unidades formativas que compoñen o programa de autoformación para obter o CODIX, na súa modalidade de Software Libre, é dicir, baseándose no uso do sistema operativo GNU/Linux e a suite ofimática LibreOffice: 1. Sistema Operativo, busca de información, Internet/Intranet e correo electrónico (30 h). 2. Aplicacións informáticas de tratamento de textos: LibreOffice Writer (30 h). 3. Aplicacións informáticas de follas de cálculo: LibreOffice Calc (50 h). 4. Aplicacións informáticas de bases de datos relacionais: LibreOffice Base (50 h) 5. Aplicacións informáticas para presentacións gráficas: LibreOffice Impress (30 h)