Incubadora de Proxectos

Incubadora de proxectos pretende ser unha ferramenta de traballo, enfocado a mozos/as que teñan previsto presentar propostas no marco dos programas de participación xuvenil, e busquen mellorar as súas competencias e destrezas en canto a redacción e execución de proxectos. O seu obxectivo é a consolidación destes programas como elementos dinamizadores do tecido asociativo, impulsadores de iniciativas innovadoras e elementos valiosos no currículum non formal da mocidade. Está dirixido a mozos e mozas, animadores xuvenís, técnicos municipais, axentes de desenvolvemento local, concelleiros/as de xuventude, asociacións xuvenís, grupos informais de mozos/as, estudantes, e en xeral a calquera colectivo interesado en programas de participación xuvenil.