Retoque de fotografía (Turno de tarde)

Dentro da iniciativa “Miradas de Muller” este curso está orientado fundamentalmente a aquelas persoas interesadas na formación básica e media das ferramentas de retoque fotográcio que desexen aprender como funciona o software libre Gimp, abrindo vías de formación e emprego, e coñecendo a realidade da posibilidade da ferrameta para o emprego de xeito profesional. Esta actividade ten como obxectivo dotar aos participantes dos coñecementose prácticas necesarios para a manipulación de imaxes dixitais, obtidas por medio de escáneres ou cámaras dixitais, a través do correcto manexo de todas as posibilidades que ofrece a aplicación informática de software libre Gimp no tratamento de imaxes. Xa que a fotografía dixital se converteu nun elemento de uso xeral, que abrangue dende a limpeza dunha imaxe deteriorada, ou a corrección da cor ata a realización de fotomontaxes e outros procesos complexos. Ao finalizar esta microactividade os asistentes serán capaces de adaptar as múltiples posibilidades desta ferramenta de tratamento de imaxes ás necesidades de cada alumno. Empregará distintas técnicas de retoque fotográfico para mellorar a calidade das imaxes orixinais procesadas e conseguir así un resultado superior en calidade con respecto á imaxe orixinal. Ademais tamén conseguirán efectos impactantes ou simplemente correxir diversos erros nas imaxes orixinais.