Desarrollo de aplicaciones para IOS

Videoconferencia dende o Centro de Novas Tecnoloxías de Galicia (CNTG) A xornada presenta unha dobre vertente: unha primeira orientada a proporcionar unha visión técnica da arquitectura das aplicacións para iPhone/iPad e unha segunda orientada á área de negocio e monetización destes desenvolvementos por parte de empresas e autónomos. Esta seminario esta dirixido preferentemente a desenvolvedores de software e, en xeral, persoal técnico interesado en adquirir coñecementos sobre a materia. O relator da xornada será Sergio Rodríguez, director de formación da empresa Core Networks. Sergio Rodríguez é enxeñeiro de telecomunicacións e foi instrutor oficial de Sun Microsystems ata 2003 e de Oracle University dende 2010. Especializado na área de sistemas e desenvolvemento comezou no desenvolvemento de aplicacións para smartphones no ano 2009, posicionando unha das súas aplicacións como a aplicación española máis descargada en España en 2011. O acceso ao seminario, previa inscrición a realizar en liña a través do portal web do CNTG, é de balde e condicionado ao aforo do local. O acceso ao salón de actos para aquelas persoas NON inscritas estará condicionado á existencia de prazas libres o día de celebración do evento. Se está interesado en participar neste seminario e non pode desprazarse a Santiago, pode acudir á súa aula CeMIT máis próxima (http://cemit.xunta.es/) e solicitar a súa participación vía videoconferencia.