Recursos multimedia

Os recursos multimedia dispoñibles neste espazo forman parte dunha iniciativa de colaboración interautonómica orientada ao impulso das competencias dixitais da cidadanía. En concreto, foron elaborados por distintas comunidades autónomas no marco do convenio subscrito conxuntamente coa Xunta de Galicia, a través da Axencia para a Modernización Tecnolóxica de Galicia (AMTEGA).

Estes contidos están aliñados co Marco Galego de Competencias Dixitais (MGCD), co obxectivo de facilitar á cidadanía recursos prácticos e de calidade para mellorar as súas habilidades dixitais no día a día. Grazas a esta colaboración entre administracións, amplíase a oferta de materiais formativos dispoñibles, aproveitando recursos xa desenvolvidos por outros organismos públicos e favorecendo unha capacitación dixital máis accesible e útil para todas as persoas, promovendo así unha oferta formativa máis ampla, coherente e eficiente para a sociedade galega en materia de capacitación dixital.