Xornada Informativa: Apoios para as PEMES galegas.

videoconferencia co obxecto de difundir un conxunto de axudas para as empresas e pemes galegas. A Consellería de Economía, Emprego e Industria abriu no pasado mes de xaneiro un amplo conxunto de programas de axuda para as empresas galegas, co obxectivo de fixar en Galicia tecido industrial que faga posible a recuperación de emprego. As axudas convocadas totalizan 185 M€ dos orzamentos de 2016, e inclúen medidas para: - Potenciar o emprego, especialmente dos colectivos máis desfavorecidos - Investir en equipos produtivos de pequenas e medianas empresas. - Apoiar proxectos de innovación. - Axudas ao comercio. - Axudas para a eficiencia enerxética. Moitas destas axudas finalizan o seu prazo de presentación nos próximos días, polo que a Consellería está a difundilas do xeito máis amplo posible, para que tódolos posibles solicitantes coñezan as oportunidades das que dispoñen. Coa difusión desta videoconferencia poderemos chegar a empresarios, asociacións de empresarios e directivos (especialmente de pequenas e medianas empresas) con informanción directa de primeira man por parte dos responsables de cada unha das liñas de axuda.