CURSO DE SMARTPHONE PARA SENIORS

Introdución ao uso dos teléfonos smartphone para seniors, persoas maiores de 60 anos. Nivel elemental. Esta actividade pretende ensinar a manexar os novos teléfonos móbiles, aprender a utilizar as vantaxes que ofrecen na vida diaria: novas formas de entretemento (lectura, música, libros, xogos, turismo, museos, monumentos, cultura, gastronomía, TV...), maior relación cos demais (redes sociais, intercambio de fotos e vídeos, mensaxería por Internet...), unha mellor información (noticias e prensa on-line...), aplicacións de servizos xerais (accesibilidade​, administración electrónica, m-saúde), e todo isto no peto e a calquera hora. O curso está orientado a persoas que teñen este tipo de teléfonos “intelixentes” pero que se atopan con dificultades para usalos. Contido: Programa adaptado: 1. Que é e como é un Smartphone? 2. Chamar 3. Recibir chamadas 4. A axenda de contactos 5. A cámara de fotos e vídeo 6. Conectarse a Internet 7. Descargar aplicacións 8. Uso de Whatsapp Imparte: Manuel Cagiao, co apoio de Miguel Ángel Gómez Varela, voluntarios dixitais. Destinatarios: maiores de 60 anos Número de prazas: 12 Data: 21 de abril, en horario de 17 a 20 horas. É preciso que cada inscrito traia o seu teléfono smartphone.