Telefonía Móbil

Charla informativa a treves de videoconferencia dende a Escola Galega de Consumo sobre os dereitos dos consumidores nesta materia. Entre os seus obxectivos están os de asesorar e informar os cidadáns para que defendan os seus dereitos como consumidores desde o momento que adquiren un terminal móbil ou contratan un servizo. Falarase dos principais conceptos que hai que ter en conta na contratación coas compañías de telefonía móbil: tipos de tarifas, permanencia, portabilidade, etc. Trataranse tamén temas como as irregularidades na facturación, na prestación de servizos ou nos incumprimentos do contrato (roaming, SMS Premium, subscrición a chamadas non solicitadas, modificacións contractuais, etc). Por último, analizaranse as principais reclamacións en materia de telefonía móbil e cómo realizar un uso responsable desde o punto de vista do consumo.