Edición de Imaxes con GIMP

Con este curso iniciarémonos no uso da ferramenta GIMP, unha das máis empregadas e recoñecidas no eido do software libre. Coñeceremos o funcionamento da súa interface e verase o manexo das ferramentas básicas de deseño. Deste xeito poderemos saber as posibilidades que nos ofrece esta ferramenta para dar saída a nosa vea artística. Requírense coñecementos básicos de ordenador. Terán preferencia na inscrición ao curso os asistentes que realizaran o curso de Iniciación e os residentes no Concello de Poio. As inscricións comunicaranse o derradeiro día do prazo de solicitudes. Poderase descargar un Diploma de Asistencia, para o que se require unha asistencia mínima do 80%, Este diploma non certifica nin homologa os coñecementos adquiridos no curso.