Iniciación á Internet

Actualmente o uso de Internet e un dos medios de comunicación máis importantes, estando presente en case todos os ámbitos da nosa vida diaria. Dado o seu alcance mundial, rapidez e dispoñibilidade faise necesario ter alomenos unhas nocións básicas da procura de información na rede. Neste curso utilizarase o navegador de software libre Mozilla Firefox e o gratuíto Google Chrome para que os usuarios podan comprender o mundo do hipertexto das páxinas web. O usuario ao finalizar o curso poderá utilizar aplicacións e ferramentas fundamentais relacionadas coa rede Internet. Coñecerá o funcionamento dun navegador de Internet, saberá como introducir enderezos na barra de enderezos do navegador, como realizar procuras sinxelas nun buscador ou facer uso das ligazóns para navegar polas páxinas web. – Todos os cursos das Aulas Cemit son gratuítos. – Requírese Coñecementos básicos de Informática e tamén ser maior de 14 anos (menores de idade con autorización). – Terán preferencia na inscrición ao curso os participantes no curso de Iniciación á Informática e os residentes do Concello de Poio. – As inscricións comunicaranse o derradeiro día do prazo de solicitude. – Poderase descargar un Diploma de Asistencia, para o que se require unha asistencia mínima do 80%. Este diploma non certifica nin homologa os coñecementos adquiridos no curso.