Creación de Blogues con Wordpress

Un blogue é unha das maneiras de comunicarnos na Internet. Dende o noso propio blogue poderemos elaborar o noso propio contido, publicalo, compartilo e comentalo con outras persoas. Tamén se verá como mantelo e actualizalo. Todos os cursos da rede de aulas Cemit son gratuítos. Requírese dispor de coñecementos de informática e ser maior de 14 anos (menores de idade con autorización). Terán preferencia na inscrición ao curso os residentes no Concello de Poio. As inscricións comunicaranse o derradeiro día do prazo de solicitude. Poderase descargar un Diploma de Asistencia, para o que se require unha asistencia mínima do 80%, Este diploma non certifica nin homologa os coñecementos adquiridos no curso.