A Amtega e Cruz Vermella desenvolven un ano máis o programa Enredando Tour dirixido principalmente a persoas maiores de 55 anos e a través do cal se realizarán actividades de demostración de tecnoloxías innovadoras e presentes no día a día das persoas como son a realidade virtual ou asistentes virtuais; obradoiros cos que sensibilizar, informar e achegar a tecnoloxía á cidadanía en temas como a ciberseguridade, intelixencia artificial etc. O programa formativo completarase con apoio dixital puntual co obxectivo de resolver dúbidas que poida ter a cidadanía en relación ao eido dixital. 

O “Enredando Tour” percorrerá un total de 20 localidades entre os meses de xullo e setembro en horario de mañá e tarde, iniciando a súa ruta na provincia de A Coruña con paradas en Noia (12 de xullo), Padrón (martes 16 de xullo), Ponteceso, paseo de Corme (venres 19 de xullo), Oleiros (luns 22 de xullo) e Curtis (23 de xullo). Á que lle seguirá Lugo coas seguintes paradas: Samos, Praza de España (martes 30 de xullo), Castro Ribeiras de Lea, Carballeira de Castro (mércores 31 de xullo), Becerreá, Praza do Concello (xoves, 1 de agosto), Chantada, Praza do Cantón (martes 6 de agosto), Incio, Praza de España (xoves, 8 de agosto) e finalmente Abadin, Praza do Concello (venres 9 de agosto). Na provincia de Ourense as paradas serán en Pereiro de Aguiar (xoves, 29 de agosto), Cartelle (martes, 3 de setembro), O Irixo (mércores 4 de setembro), Viana do Bolo (venres, 6 de setembro) e Monterrei (luns 9 de setembro).

O percorrido de actividades chegará finalmente á provincia de Pontevedra con paradas en Moaña (11 de setembro), Marín (12 de setembro), A Estrada (18 de setembro), Mondariz (19 de setembro) e Ponteareas (20 de setembro).

As persoas interesadas en participar poden chamar ao teléfono gratuíto 900 825 030 ou escribir un correo electrónico a galicia@cruzroja.es

Máis información na web de Enredando.