A Amtega en colaboración co Colexio Profesional de Enxeñería en Informática de Galicia (CPEIG) organiza una ano máis o programa Tech Kids, nesta edición baixo o lema “Argallando entre xeracións”, co obxectivo de fomentar o impulso das vocacións e talento dixital dos máis novos, buscando a colaboración interxeracional na resolución de diferentes retos tecnolóxicos. 

Desenvolverase o programa a través da realización de sesións formativas de 4 horas de duración nas aulas da Rede CeMIT, destinadas a rapazas e rapaces de entre 12 e 18 anos, nas que se realizarán actividades colaborativas que versarán sobre o deseño e modelado en 3D, práctica guiada de construción e programación dun robot e experiencias inmersivas en realidade virtual. Adicionalmente, celebrarase unha sesión formativa no Centro GaiásTech da Cidade da Cultura.

Estas sesións formativas sentarán as bases coas que as persoas interesadas poderán participar nun concurso tecnolóxico no que preparar os seus propios proxectos. Podes consultar máis información, así como as bases de participación na páxina web do Programa.

Calendario de actividades