Inscrición nas probas ComDix nivel iniciación – edición de Xuño 2026

Solicitude de inscrición nas probas ComDix nivel Iniciación - edición de Xuño 2026 

De acordo co establecido na Base Primeira do Anexo I da RESOLUCIÓN do 7 de xaneiro de 2026 (DOG nº 10, do 16 de xaneiro de 2026), pola que se convocan as probas de avaliación de carácter libre para a obtención do certificado de competencias dixitais ComDix, no seu nivel Iniciación, publícase a listaxe das quendas dispoñibles para solicitar a preinscrición nas mesmas.

Tal e como se recolle nas ditas bases, soamente se poderá presentar unha solicitude de inscrición por persoa participante, sendo excluídos automaticamente aquelas persoas solicitantes que figuren inscritas en máis dunha localidade ou horario dunha mesma edición.

No caso de non ser usuario/a da rede CeMIT, con carácter previo á inscrición é necesario darse de alta no enderezo electrónico https://aulascemit.xunta.es/usuarios, sendo imprescindible facilitar unha conta persoal de correo electrónico. No mesmo enderezo pode comprobar ou actualizar os seus datos persoais, credenciais, contrasinal de acceso ou a conta de correo onde nos comunicaremos con vostede.

Listaxe das quendas da convocatoria de xuño (mércores 17, xoves 18 e venres 19 de junio).

(Prazo aberto dende o luns 4 ata o mércores 13 de maio, inclusive)

Facendo click enriba na localidade do seu interese abrirase, nunha nova páxina, a ficha da actividade na localidade seleccionada.

Clickando no boton "Reservar" o sistema solicitaralle as súas credenciais de usuario/a da rede CeMIT para proceder a súa preinscrición.

Unha vez remate o prazo de preinscrición realizarase o sorteo público (18 de maio) de extracción do número que corresponderá a un día e hora concreto no que se realizou a inscrición para obter a orde de prelación das persoas con dereito a exame en cada quenda. O resultado publicarase nesta web posteriormente.

Mércores, 17 de xuño - 10:00h

Mércores, 17 de xuño 12:00h

Mércores, 17 de xuño - 16:30h

Xoves, 18 de xuño - 10:00h

Xoves, 18 de xuño - 12:00h

Xoves, 18 de xuño - 16:30h

Venres, 19 de xuño - 10:00h

Venres, 19 de xuño - 12:00h

Venres, 19 de xuño - 16:30h