A aula CeMIT de Ribeira achega en outubro novos cursos sobre eAdministración e ofimática

Cartel da iniciativa.
6Out

A aula CeMIT de Ribeira achega en outubro novos cursos sobre eAdministración e ofimática

A aula CeMIT de Ribeira presentou o seu programa de formación gratuíta (formación en diferentes vertentes do ámbito dixital) para este mes de outubro. Serán, segundo informou o Concello, tres novos obradoiros de carácter presencial que abordan outros tantos ámbitos do plano tecnolóxico: o certificado dixital e a súa importancia para realizarmos trámites en liña coas administracións; as funcionalidades do editor de texto Write; e máis os usos e manexos das follas de cálculo (Calc). A inscrición pódese facer de xeito presencial na sede da aula CeMIT en Cubeliños (Ribeira) ou ben a través do seu sitio web.

Estes son os cursos en cuestión:

  • Certificado Dixital - Sede Electrónica: introdución ó uso da administración electrónica. Nivel medio. Impartirase do 13 ó 15 de outubro en horario de 10.00 a 12.00 e constará dun total de seis horas. A idade mínima para cúrsalo é de 16 anos. O prazo de inscrición abre o 5 de outubro. Hai 6 prazas dispoñibles.
  • Editor de textos Write: elaboración de documentos de texto a través do ordenador. Nivel medio. Impartirase do 18 ó 22 de outubro en horario de 9.30 a 11.00 e constará dun total de 7 horas e media. Non hai idade mínima para cursalo. O prazo de inscrición abre o 15 de outubro. Hai 8 prazas dispoñibles.
  • Folla de cálculo. Calc: capacitación no uso de follas de cálculo. Nivel medio. Impartirase do 25 ó 29 de outubro en horario de 9.30 a 11.00 e constará dun total de 7 horas e media. Non hai idade mínima para cursalo. O prazo de inscrición abre o 22 de outubro. Hai 8 prazas dispoñibles.