A Aula CeMIT de Ribeira leva a formación en uso de móbiles ás parroquias de Castiñeiras, Olveira e Artes

Cartel da iniciativa.
13Abr

A Aula CeMIT de Ribeira leva a formación en uso de móbiles ás parroquias de Castiñeiras, Olveira e Artes

O Concello de Ribeira apostou esta tempada por levar a formación tecnolóxica ao rural do termo, sacando dos seus límites físicos (na rúa de Cubeliños de Santa Uxía) a actividade TIC (Tecnoloxías da Información e a Comunicación) da Aula CeMIT. Deste xeito, a iniciativa da Concellería de Educación, as parroquias de Castiñeiras, Olveira e Artes van dar cabida a candanseus cursos gratuítos sobre uso básico de móbil Android impartidas polo axente da Aula CeMIT de Ribeira.

Con catro horas de duración cada acción formativa, as correspondentes a Castiñeiras e Olveira terán lugar do 17 ao 20 de abril (de 11.30 a 12.30 e de 19 a 20 horas nas súas respectivas Casas de Cultura), en tanto que o de Artes celebrarase do 25 ao 28 de abril, de 19 a 20 horas no Centro Recreativo.

As inscricións poden facerse, como de costume, a través da web da Aula.