A aula CeMIT de Ribeira leva ás parroquias os cursos TIC suspendidos pola COVID

Cartel da iniciativa.
1Feb

A aula CeMIT de Ribeira leva ás parroquias os cursos TIC suspendidos pola COVID

Ribeira informou de novas actividades de capacitación tecnolóxica para a cidadanía. Novamente materializaranse a través da aula CeMIT local, que levará ás parroquias de Olveira e de Oleiros os cursos de informática que foran suspendidos por mor da irrupción da pandemia. Serán de balde e desenvolveranse en febreiro e marzo nos centros sociais dos ditos núcleos de poboación. A maiores, celebraranse tres accións formativas na sede central da aula no barrio de Cubeliños.

Nos casos de Olveira e Oleiros, os cursos celebraranse entre o 14 de febreiro e o 30 de marzo, os luns e o venres (de 11.30 a 13.30 no caso da Casa de Cultura de Olveira e de 16.30 a 18 horas no do Centro Social de Oleiros). A intención é continuar con cursos sobre novas tecnoloxías nas diferentes parroquias do municipio.

En Cubeliños

Ademais, na aula de Cubeliños terán lugar outras tres accións formativas dedicadas a Ofimática con Libreoffice (do 7 de febreiro ao 30 de marzo, os luns e mércores de 9.30 a 11 horas), Uso Básico Móbil Android (do 7 de febreiro ao 10 de febreiro, de 11.30 a 13 horas) e Informática Básica (do 8 de febreiro ao 31 de marzo, os martes e xoves, con dúas quendas de 9.30 a 11 e horas e de 11.30 a 13 horas).

En todos os cursos as inscricións pódense formalizar ben na aula CeMIT ou ben vía web na páxina deste espazo local de alfabetización tecnolóxica.