A aula CeMIT de Ribeira pon a disposición da cidadanía cinco novos cursos tecnolóxicos

Cartel da iniciativa.
11Abr

A aula CeMIT de Ribeira pon a disposición da cidadanía cinco novos cursos tecnolóxicos

A aula CeMIT de Ribeira abre o prazo de inscrición de cinco cursos gratuítos para abril e maio, catro dos cales desenvolveranse no propio centro de dinamización e capacitación tecnolóxica do barrio de Cubeliños (debaixo da Escola Infantil Municipal) e outro en Castiñeiras.

  • Así, do 17 de abril ao 30 de marzo celebrarase un curso sobre Utilidades de Google. As clases serán os luns e os mércores en horario de 9.30 a 11 horas.
  • Do 19 de abril ao 26 de maio haberá outra acción formativa dedicada a Retoque de Imaxe (GIMP). Neste caso, os martes e xoves de 9.30 a 11 horas.
  • Do 18 de abril ao 30 de maio, tocaralle a Informática Básica, estando dirixida ás persoas maiores de 55 anos: será os luns e mércores de 18.30 a 18 horas.
  • Do 18 ao 28 de abril, haberá outra actividade sobre Sede Electrónica (martes e xoves de 16.30 a 18 horas).
  • Por último, do 18 de abril ao 31 de maio na Casa de Cultura de Castiñeiras desenvolverase outro curso de Informática Básica para maiores de 55 anos. As clases impartiranse os martes e xoves de 11.30 a 13 horas.

As persoas interesadas poden anotarse na aula CeMIT de Ribeira (teléfono: 981 876 043 / correo electrónico: cemit.ribeira@xunta.gal) ou vía web na páxina da aula.