A Axencia para a Modernización Tecnolóxica de Galicia inicia un novo ciclo formativo sobre ciberseguridade a través das aulas CeMIT e do GaiásTech

Ciberseguridade.
17Mar

A Axencia para a Modernización Tecnolóxica de Galicia inicia un novo ciclo formativo sobre ciberseguridade a través das aulas CeMIT e do GaiásTech

  • Baixo o lema “O teu día a día en liña, con seguridade” estas sesións buscan sensibilizar á cidadanía, especialmente aos maiores, sobre os riscos do mundo dixital e ofrecerlles ferramentas para evitalos
  • O programa de actividades comeza este 28 de marzo e a inscrición pode realizarse desde o portal da Rede CeMIT ou de xeito presencial nas aulas

A Axencia para a Modernización tecnolóxica de Galicia inicia o día 28 de marzo un novo ciclo formativo en materia de ciberseguridade orientado a cidadanía, especialmente ás persoas maiores.

Baixo o lema “O teu día a día en liña, con seguridade” estas sesións buscan non deixar a ninguén atrás en materia de competencias dixitais e ciberseguridade. Desenvolveranse de xeito presencial nas aulas CeMIT de 17 concellos de toda Galicia e no centro GaiásTech, na Cidade da Cultura.

O prazo de inscrición xa está aberto e pode realizarse a través da páxina web da Rede CeMIT ou de xeito presencial nas aulas de A Cañiza, Fisterra, Ribeira, Leiro, O Barco, Abegondo, Ortigueira, Monforte, Cuntis, Celanova, Cerceda, Tomiño, Ribadeo, Quiroga, A Fonsagrada, Betanzos, Gaiás Tech e Pontevedra.

As xornadas farán foco nos riscos cos que nos podemos atopar na contorna virtual e exporán as medidas para poder previlos, facilitando un uso seguro da tecnoloxía sen abusos.

É a segunda edición deste ciclo, que se enmarca nas actividades do Nodo CIBER.gal para dar cobertura ás necesidades da cidadanía, empresas e administracións públicas en materia de ciberseguridade.

 

Calendario de charlas

Aulas participantes

Datas e horarios

A Cañiza

28 de marzo de 11:00 a 12:00 horas.

Fisterra

30 marzo de 17:00 a 18:30 horas.

Ribeira

3 de abril de 11:30 a 13:00 horas.

Leiro

4 de abril de 11.00 a 12:30 horas.

O Barco

5 de abril de 11:00 a 12:30 horas.

Abegondo

9 de maio de 11:00 a 12.30 horas.

Ortigueira

10 de maio de 11:00 a 12.30 horas.

Monforte

11 de maio de 12.00 a 13.30 horas.

Cuntis

15 de maio de 11:00 a 12:30 horas.

Celanova

16 de maio de 11:00 a 12:30 horas.

Cerceda

19 de maio de 12:30 a 14:00 horas

Tomiño

22 de maio de 11:30 a 13:00 horas

Ribadeo

23 de maio de 11:30 a 13:00 horas

Pontevedra

6 de xuño de 13.30 a 15:00 horas

Quiroga

12 de xuño de 12:30 a 13:30 horas

A Fonsagrada

20 de xuño de 12:00 a 13:00 horas

Betanzos

21 de xuño de 11:00 a 12:00 horas

GaiásTech

4 de maio de 16:00 a 17:30 horas

A Rede CeMIT

A Rede CeMIT (Rede de Centros para a Modernización e a Inclusión Tecnolóxica) é unha iniciativa posta en marcha pola Axencia autonómica, que conta coa colaboración de 90 concellos e está integrada por 96 centros. Entre os seus obxectivos está o de promover o uso das novas tecnoloxías entre a poboación, con especial atención aos colectivos máis afectados pola fenda dixital, fomentar a formación dixital entre os profesionais galegos e mostrar ás pemes e micropemes as vantaxes da sociedade da información.

A listaxe completa e a localización das aulas CeMIT poden ser consultados en: https://cemit.xunta.es/centros.