De acordo co establecido na Resolución do 14 de setembro de 2021 (DOG nº 184 de 23 de setembro) pola que se convocan probas de avaliación de carácter libre para a obtención da certificación galega de competencias dixitais en ofimática, publícase a listaxe de centros da rede CeMIT e horarios de realización de ditas probas para facilitar a cumprimentación da súa INSCRICIÓN.

Tal e como se recolle na base Cuarta.4, soamente poderá escoller unha única localidade, día e hora,  sendo excluídas aquelas persoas que seleccionen máis dunha opción.

Unha vez remate o prazo de preinscrición (o xoves 30 de setembro inclusive), realizarase o sorteo público de extracción das letras para obter a orde de prelación por apelidos das persoas con dereito á matriculación. O resultado publicarase nesta web sobre o luns 04 de outubro  e as persoas seleccionadas provisionalmente recibirán un correo electrónico coas instrucións para realizar a súa matriculación mediante o pagamento das taxas ou da xustificación da súa exención.

Inscrición

Facer click enriba da quenda seleccionada para proceder a súa preinscrición (Prazo aberto dende o venres 24 ata o xoves 30 de setembro, inclusive)

O sistema pediralle as súas credenciais de usuario/a da rede CeMIT para identificarse, previamente a realizar a súa solicitude de inscrición na actividade.

Pode comprobar ou actualizar os seus datos persoais, credenciais-contrasinal de acceso ou a conta de correo electrónico onde nos comunicaremos con vostede na web: https://aulascemit.xunta.es/usuarios