En cumprimento do establecido na base Cuarta.- Criterios de selección  da RESOLUCIÓN do 26 de setembro de 2025 (DOG nº 197, do 13 de outubro de 2025), pola que se convocan as probas para a obtención do certificado de competencias dixitais ComDix, no seu nivel Intermedio:

1. Para a cobertura inicial das prazas, no caso de que houbese máis solicitudes que prazas dispoñibles, terán preferencia os/as solicitantes que posúan o diploma de aproveitamento do curso (equivalente a 10 ECTS) de Competencias dixitais intermedias emitido pola Amtega.

2. Se existisen máis solicitudes que prazas en cada unha das localidades, as prazas dispoñibles distribuiranse entre as persoas preinscritas en tempo e forma. A orde de asignación será o resultado dun sorteo público, que se realizará unha vez finalizado o prazo de inscrición.

 A continuación publícase o lugar e  data de realización do sorteo público para  establecer a orde de prelación na asignación das prazas dispoñibles para a realización das probas de certificación en cada localidade:

Sorteo para a edición das probas de novembro / decembro:

DÍA:      Martes,28 de outubro

HORA:   09:00 horas

LUGAR:  Oficina CeMIT - Centro de Emprendemento de Galicia

                Cidade da Cultura - Monte Gaiás s/n

                15707- Santiago de Compostela

·         Se elaborará unha listaxe tomando a data e a hora de rexistro no sistema das persoas participantes e asignarase o número un (1) ao primeiro solicitante e así sucesivamente ata o último rexistro.

·         Realizarase un sorteo a través dunha aplicación informática que seleccionará aleatoriamente un único número de entre os que integran a listaxe de  persoas solicitantes do punto anterior. Este número corresponderá ao día, hora e minuto concretos en que se realizou a preinscrición.

·         As prazas adxudicaranse a partir da solicitude correspondente co número determinado no parágrafo anterior da listaxe previamente ordenada e continuarase, ata esgotar as prazas vacantes e reservadas, para aquelas solicitudes ás que correspondan os seguintes números segundo a orde ascendente da serie numérica.

·         Para os efectos do número anterior, no caso de finalizar a lista sen cubrir o número total de prazas dispoñibles, continuarase desde o seu comezo.

·         O resultado do sorteo, así como as listaxes provisionais de persoas admitidas provisionalmente para a súa matriculación e en listaxe de agarda, será publicado na páxina web da rede CeMIT para a súa consulta pública (http://cemit.xunta.gal)

·         As persoas que resulten seleccionadas provisionalmente recibirán un correo electrónico confirmatorio da súa selección e poderán comunicar a súa desistencia a participar na proba nun prazo de dez (10) días naturais desde a publicación da listaxe provisional. Esta renuncia deberá comunicarse por correo electrónico ao enderezo formacion-cemit@xunta.es