O pasado 9 de agosto clausurouse na Aula CeMIT do Concello da Cañiza unha actividade formativa para afianzar os coñecementos informáticos avanzados entre a mocidade local, con vistas a mellorar a súa formación e a súa empregabilidade futura. Estamos a falar do Curso de Informática para Estudantes de ESO e de Bacharelato, que deu comezo o pasado 10 de xullo e rematou o 9 de agosto.

Incluíu 40 horas de formación de balde, impartida polo Concello da Cañiza na Aula CeMIT da Casa de Cultura, para estudantes maiores de 11 anos, co obxectivo concreto de “mellorar as súas habilidades informáticas de cara a que poidan realizar con facilidade as tarefas e traballos académicos”.