O vindeiro martes, 26 de outubro, ás 12:30 horas, emitirase por videoconferencia a sesión informativa “Servizos financeiros”, do Instituto Galego de Consumo e da Competencia en colaboración coa Rede CeMIT

Cartel da iniciativa.
19Out

O vindeiro martes, 26 de outubro, ás 12:30 horas, emitirase por videoconferencia a sesión informativa “Servizos financeiros”, do Instituto Galego de Consumo e da Competencia en colaboración coa Rede CeMIT

Trátase dunha xornada sobre “Servizos financeiros” prevista para martes, día 26, ás 12:30 horas, na que se abordarán, de xeito fundamentalmente práctico, temas como a xestión de contas bancarias, a realización de pagos, a consulta de créditos ou as tarxetas revolving en relación ao sobreendebedamento que hai relacionado con estas, tratando de achegar á poboación uns coñecementos bancarios básicos.

A Rede CeMIT colabora co Instituto Galego de Consumo e da Competencia na difusión destas “charlas informativas sobre consumo”, que se emiten a través de videoconferencia e teñen unha duración aproximada dunha hora ou hora e media.
Estas sesións están orientadas para todos os públicos ao tratar temas actuais que nos afectan en gran medida como consumidores.

Adicionalmente e como novidade, este ano a Rede CeMIT, ademais de dar a posibilidade de asistir presencialmente a esta sesión a través da participación das aulas de Ortigueira, Carballedo, San Sadurniño, Celanova, Brión e Fisterra, tamén permite seguir a videoconferencia desde a casa a todos os usuarios/as que así o desexen, podendo realizar a súa inscrición de xeito automático a través da seguinte ligazón. O único requisito para poder facelo é darse de alta como usuario da Rede.

Para a formalización das inscricións para participar de xeito presencial é recomendable poñerse en contacto cos responsables das aulas CeMIT participantes en cada un dos seminarios ou a través de internet na web https://cemit.xunta.gal.